Sapno Ka Matlab Kya Hai? | Sapno Ka Matlab in Hindi, Swapan Fal

Hum sabhi sote hue daily kai tarah ke sapne dekhte hai kabhi sapno me gir jana, kabhi sapno me janwar ko dekh lena, sapne me kisi ki shaddi. Par kya aap jante hai ki har sapne ka ek matlab hota hai. Har sapne ke piche kuch na kuch karan hota hai. Waise aksar ye kaha jata hai ki din bhar jo bhi vichaar (thoughts) hamare man me rehte hai rat me wahi baat hamare sapno me aati hai aur kai baar aisa hota bhi hai. Sapno ka matlab Dream Quotes Caption For Instagram! (सपनो का अर्थ) humare avchetan (subconscious) mind ke through dekha gaya socha gaya vichaar hota hai phir vahi vichaar (thoughts) chahe negative ho ya phir positive.

Aksar ye bhi sunne me ataa hai ki subhe ke dekhe hue sapne sach hote hai. Par har sapne ka apna ek arth hota hai, har sapne ka matlab hota hai. Har kisi ko har tarah ke sapno ka matlab nahi pata hota, aur kai bar hum koi bura sapna ya buri anhoni sapne me dekh lete hai to hum dar jate hai jo natural hai. Par agar apko  pata hoga ki har sapne ke kya arth hota hai to apne man se us dar ko nikal sake hai.

Aj aap is blog ke through janoge ki alag alag sapno ka kya matlab hota hai jese ki sapne me shadi dekhna, sapne me gir jana, accident in dreams, sapno me janwar dekhna aur bhi bahut kuch. To chaliye hum ek ek karke apke sath har dream ka matlab share karenge. 

Sapno ka matlab kya hota hai?

Hum ye to nahi kahenge ki har sapne ka arth hota hai par haa kai sare aise sapne hai jinka alag arth (अर्थ) alag matlab hota hai. Sapne hume hmara present and past dono dikhati hai, humare man ki bato hi sapne me aati hai. Kai bar hum jo sochte hai, jo apne aas paas dekhte hai wahi sb hume sapne me dikhai deta hai. Aur kai bar hume alag se ajib se sapne dekhte hai aur un sapno ka matlab dhundne lagte hai. To aj hum aapko alag alag sapno ka arth or unke swapan fal ke bare me batayenge.

Let’s discuss about many dream meaning-

Sapne me kisi janwar ko dekhna-

Sapne me billi (cat) ko dekhna- Bill (cats) ko lekar waise bhi kai tarah ke vishwas/andhvishwas logo ke man me rehte hai. To janiye agar ap billi ko sapno me dekh lete hai to uska kya matlab hota hai. Billi ko sapno me kai bar dekhna shubh mana jata hai. Agar apko apne sapno me safed (white) billi dikhai deti hai to ye shubh sanket nahi hai. Iske anusar apko paiso ka loss ho sakta hai. Aur ye bhi mana gaya hai safed billi ka sawpan fal bura time anne ka bhi sanket deta hai.

Sapno me billi agar apne bacho ke sath dikhai de – To apko koi achi khabar mil sakti hai. Wahi age ap billi ko sapne me ladta hua dekhte hai to mana jata ki apke ghar me kalah (problems) aa sakati hai. Agar ap sapno me kutte or billi ki ladai dekhte hai to ye acha sanket nahi deta, aur kaha jata hai ki aise me apka apne kisi dushman se samna ho sakta hai.

Sapne me गाय (Cow) dikhna- Agar sapne me apko गाय dikhe to kaha jata hai ki jin logo ka kam sone or silver ka hota hai unhe labh ho sakta hai. Wahi agar ap गाय ka doodh nikalte hue dekhte hai iska arth hai ki apko swapan fal me bharpur संपत्ति व् व्यापार milega.

Sapno me kutte ka dikhna- Kutto ke lekar bhi log kai tarah ke viswas rakhte hai jese kutte ke rone ko log shubh nahi mante.Par har bar sapne me kutte ka dekhna ashubh nahi hota. Sapne me agar kutta khelta hua, khush dikhta hai to ap jaldi ki apne kisi karibi se khushkhabari pa sakte hai.

Sapne me hathi dekhna- Ye bahut hi shubh mana jata hai aur kaha jata hai ki ise aap ko jeevan me money ki prapati hogi. Hathi ko bhi alag alag tarah se dekhne ke alag alag arth hote hai.

Sapne me lion dekhna- Sher (Lion) bahut hi balshalli hota hai iska arth hai ki sari rukawat dur hone wali hai aur ap apne kaam ko dat kar pure sahas e sath kar sakte hai.

Sapne me naag dekhna- Kai bar hume apne sapne me ghar me saap dikhai deta hai, naag devta ke darshan karna shubh mana jata hai aur kaha jata hai ki ise apke jeevan me shukh, samridhi aane wali hai.

Sapne me hiran dekhna- Hiran हिरन jo ki bahut hi sundar aur pyara janwar hota hai. Sapne me hiran ko dekho to mana jata hai ki aap ke sabhi kaam banne wale hai aur aage aane wale jeevan me apko taaraki milne wali hai.

Sapne me pig dekhna- Iska arth nikalta hai ki apk koi bimari ho sakti hai ya koi bhi samasya jeevan me aa sakti hai.Sapne me black horse ko dekhna- Iska arth hai ki apko apne samaj me society me bahut ki maan samaan milne wala hai.

Sapne me Camles (ऊंट) dikhna- Aisa mana gya hai ki sapne me camle dekhna achaa nahi hota, agar hum sapne me chalta hua camle dekhte ho to iska arth hai ki aapko koi bimari ho sakti hai. Aur agar khade hue ऊंट ko dekhte hai to iska matlab koi preshani aa sakti hai.

Sapne me bandar (monkey) ko dekhna– Monkey or Bnadar hanuman ji ka swaroop mane jate hai. Agar koi insaan sapne me bandar ko dekhta hai to mana jata hai ki dhan me vridhi hogi.

 

Sapno me building ko dekhne ka matlab (Buildings in dreams)

Sapno me ghar ko bante hue dekhna- Sapne me makaan bante hue dekhna ek achaa sanket hai iska arth hai ki apke maan, samaan, izzat me vridhi ho sakti hai. Aur apna ghar banana sabka sapna hota hai aur ye sapna apko sanket deta hai ki aap kuch acha kar sakte hai aur apko apne kam ka fal mil sakta hai.

Mandir in dreams- Mandir me hona, ya mandir ke aage se nikalna ho to bhi humara sar jhuk jata hai. Hum ashirwad lete hai pray karte hai. Isi tarah jab hum sapne me Mandir ko dekhte hai to iska arth hai ki aap kisi bhagwan ke kariye me shamil ho payenge aur dharm karm ke karye kar payenge.

Sapno me kila dekhna- Ye apki physical strength ke bare me btata hai aur aane ki khushiyo ki taraf ishara karta hai. Agar agli bar apko sapne me aisi chize dikhai de to ap dare nahi aur khush ho jayie.

Sapno me dukan dekhna – Agar ap khali dukan dekhte hai to wo acha nahi mana jata, ise aap ko paiso ka loss ho sakta hai. Agar ap bhari hui dukan dekhte hai to isse paiso me laabh aur achaa fal mil sakta hai. Is sapne ka arth bhi alag alag hai agli bar jb is tarah ka sapna dekhe to ghabraye nahi.

Sapno me dharm or bhagwan ke places dekhna

Sapno me mandir ya masjid dekhna- Iska arth hai apke jeewan me bahut kushhali aaygi. Agar ap naukri me hai to tarakki ho sakti hai, ghar me koi aur badi khushkhabri aa sakti hai.

Sapne me gurudware dekhna- Iska matlab hai ki aapko mind tez hoga.

Sapno me Churches jana ya dekhna- Iska arth hai ki aapko mansik (mentally) bahut shanti milegi. Agar aap ki jeevan me kuch bhi stress hai to wo jaldi dur ho jayga, aur sari preshaniyo ka hal mil jyga.

Sapno me gold, silver ya platinum dekhna

Sapno me bahut sara sona (Gold) dikhna- Agar apko sapno me koi gold de raha hai to matlab aapke jeevan mein shaddi ki khabar aa sakti hai. Aur wahi agar ap sapne me gold kisi ko de rhe hote hai to ye acha nahi mana jata aur iska arth hota hai ki ap apna sara paisa, profit apni nasamjhdari se kho denge.

Sapne me tamba (Copper) dikhna- Iska sidha arth hai ki aap labh ho sakta hai aur kai government schemes me ya agr ap government job me hai to aap ko acha fal mil sakta hai.

Sapne me moti (stones) dikhna- Shaastro ke anusar ye mana jata hai ki agar apko sapno me alg alg stones dikhte hai to apne mental stress se relieve paa sakte hai. Iska saf arth hai ki aap ko mansik shanti milegi, aur ghar me agar koi samasya hai to wo bhi dur hogi.

Sapne me Loha (Iron) dikhna- Iska arth hai aap ko aage ke jeevan me kai preshaniyo ka samna karna pad sakta hai.

Sapne me diamond ka dikhna- Ye bahut hi positive sign mana jata hai. Agar apne kuch karne ka soch rahe hai ya apne koi bhi naya kam shuru kiya hai to aap ko jaldi hi uska fal milega. Aur iska arth hai ki aapko bahut profit ho sakta hai. Agar ap naukri karte hai to aap ko apne karyeshetar me aage badne ke awsar milenge.

Sapne me chandi dekhna- Sapne me chandi (silver) dekhna shubh mana jata hai aur iska matlab hai ki aap kahi se achi khabar paa sakte hai. Aur chani yani silver ko sapne me dekhne ka swapan fal acha milta hai.

Sapno me alag alag vehicles ko dekhne ka arth:

Sapne mein train dikhna- Iska arth hai ki apko kisi badi aur musibat bhari yatra me jana pad sakta hai.

Sapne me helicopter or plane dekhna- Agar sapne me koi udta hua viman dekh liya jata hai to yeh bahut hi shubh mana jata hai aur kaha jata hai ki ye sanket deta hai ki aap ki kismat chamkne wali hai.

Sapne me cycle dekh lena- Iska matlab hai ap jis bhi kaam me lambe samay se lage hue hai wo sabhi kaam pure hone wale hai.

Sapne me boat dekhna- Iska arth mana jata hai ki aapko kahi bahut dur ki yatra karni pad sakti hai. Ye ghar me aane wali shukh shanti ka bhi sanket deta hai.

Sapne me car me kahi jana- Iska matlab hai ki aap kahi se achi khabar pane wale hai aur apne sapne pure hone wale hai.

Sapne me bike (बाइक) dekhna- Iska matlab hai ki aap bahut ki grow krenge aur jo bhi kaam me lage me usme bhi growth milegi.

Sapne me bus dekhna- Agar koi insaan sapne me bus me swari kar raha hota hai to wo is baat ka sanket deta hai ki apko apne kaam me growth milegi aur ye bahut hi positive mana jata hai. Iska matlab hai ki jaldi hi future me apko apne kiye hue kamo ka fal milne lgega.

Sapne me bail gadi dekhna– Ye depend karta hai ki aapne kis tarah ki bailgaadi ka sapna dekha hai. Agar ap khali बैलगाड़ी dekhte hai to ye bilkul bhi acha nahi mana jata.  Iska arth hai ki apko apne business me apne kaam me koi nuksan ho sakta hai.

Sapne me Tangaa (तांगा) dekhna- Agar sapne me taanga dekh le to mana jata hai ki aane wale samay me apka kisi se jhagda ho sakta hai.

Sapno me kisi special person ka dikhna-

Sapne me boss ko dekhna- Kai bar humare din bahar ke office ke kaam ke bad hmare dimag me office ki hi bate rehti hai aur hum sapne me apne boss ko dekhte hai. Par kya aap jante hai ki uska bhi ek arth hota hai. Agar apko sapne me apna boss dikhta hai to aapko jaldi hi apne boss or senior se promotion or growth mil sakti hai. Yahi nahi, apke kaam ki bhi value ki jayegi aur dusre logo se jyada aapke boss aap par vishwas (trust) krenge.

Sapne me old friends (purane dosto) ko dekhna- Aksar hum apne dosto ko yaad karte hai aur itna yaad karte hai ki kai bar wo humare sapno me ate hai. Par iska bhi kuch matlab hota hai. Agar apke sapne me apka best friend aata hai ya koi bhi dost to ye baat achi mani jati hai. Aur kaha jata hai ki aap ke jeevan me shukh or shanti aane wali hai.

Sapne me chote bacho ko dekhna- Bache bade hi pyare hote hai aur bacho ko dekh kar bhi man khush ho jata hai. Bacho ko sapne me dekhne ka matlab hai ki agar aap kisi kaam me lage hai to aapko us kaam me thora aur mehnat karne ki jarurat hai.

Sapno me rota hua bacha dekhna- Sapne me agar koi bacha ro raha hai to matlab apne jeevan me bhi preshaniya aane wali hai.

Sapne me bhikhari dikhna- Iska matalb hai ki aap kahi lambi yatra kar sakte ha.

Sapne me pandit dikhhna- Iska arth hai ki jaldi hi appke sare bigde kaam banne wale hai.

Sapne me bhagwan ka dikhana- Bhagwan ka dikhna sapne me shubh hi mana jata hai. Waise alag alag bhagwan ko dekhna ke bhi alag alag arth hote hai. Par har kisi ka matlab ek shubh sanket hi hota hai.

Sapne me Doctor ko dekhna- Iska arth hai ki apko koi health se related problem ho sakti hai.

Sapne me dakiya (postman) dikhna- Iska matlab hai ki ghar me koi achi khabar aane wali hai aap shubh samachar ke liye tyar rhe aur positive kare apne mind ko.

Sapne me vidhwa (widow) dekhna – Ye batata hai ki aapko apne kaam me koi nuksan hone wala hai.

Sapno me aag se related swapn dekhna-

Kai bar hmare sapne me ataa hai ki kisi jagah par aag lag gyi, kai sari chize jal gyi to chaliye inka bhi karan jante hai.

Ghar me aag dekhna- Agar apko sapne me ghar jalta hua ya ghar me aag dikhti hai to iska arth hai ki aap ko sarkar (government) se kuch labh ka yog hai.

Sapne me jalta hua diya dekhna- Ye ek achaa sanket (ishara) ho sakta hai aur apko kuch achi khabar mil sakti hai.

Sapne me khud ko aag pakdte dekhna- Agar is trah ka swapn apko ata hai to iska arth hai ap paise wastage me kharch kar rahe hai jin par apko thori rok lgani chahiye.

Also Read: Bhoot Ki Kahaniya For Kids

Sapne me natural chizo ka dikhna

Bhaut bar hum sapne me achaa nature dekh rhe hote hai, kai bar fulo ke bich me hote hai jo ki hume bahut ki acha lagta hai. Par alag alag prakartik chizo ke alag alag laabh hai. Chaliye inke bare me bhi thora samjhe-

Sapne me garden dekhna- Sapne me agar hum trees ka koi flowers dekh lete hai to bahut hi acha lagta hai bhaut hi achi feeling aati hai. To iska arth hai ki app ko kuch acha hi milega.

Sapme me ugte hue suraj (sun) ko dekhna- Isk arth hai ki jaldi hi aap apne kisi karibi ya kisi khas dost se mil sakte hai.

Sapne me moon (chand) ko dekhne ka swapan fal- Chand man ko ek thandak deta hai aur raat me khule aasman ke neeche baith kar logo ko chand dekhna bahut hi pasand hota hai. Agar apko bhi sapne me chand dikhta hai to iska arth hai ki aane wale time me aap ko acha fal milne wala hai.

Sapne me khud ko lake me dekhna- Iska matlab hai ki aap ke sari preshaniya aur sare kast dur hone wale hai.

Kuch aur sapno ka matlab

Sapne me khud ko exam karte hue dekhna- Agar aap sapne me paper de rahe hai to iska arth hai ki aap ko aane wali zindgi me bhi exam dene pad sakte hai jo ki life se jude honge. Iska matlab aap ki zindgi me kai preshaniya aa sakti hai.

Sapne me khud ko kisi ka picha karte hue dekhna- Sapne me agar koi aap ke piche bhagta hai to iska arth hai aap life ki kisi problem se bhaag rahe hai. Ladkiya agar iss tarah ke swapan dekhti hai to iska matlab hai wo aas pas safe nahi feel karti.

Kounse time par dekhne gaye sapne sach hote hai?

Aksar ye kaha jata hai ki subah ke time 4 baje dekhe hue sapne sach hote hai. Agar ap bimar hai aap ke man me negative thoughts hai aur is condition me koi sapna dekhte hai to uska fal nahi milta. Dophar or din me dekhe hue sapno ka bhi koi matlab nahi hota wo hamare vicharo ke though hi ate hai. Agar raat me aap koi sapna dekh kar uath jate hai nind se to is tarah ke sapno ka bhi koi fal nahi milta. 

Aadhe adhure dekhe gaye sapno ka bhi koi matlab nahi hota aur aksar koi fal nahi prapt hota.

Humne apko is blog me bahur sare sapno ka matlab bataya aur aage bhi hum bahut sare sapno ka arth batayenge. Hume umeed hai ki sapno ka matlab, swapna phal ki jaankari apke liye acchi rhegi. Ab aap jab bhi koi sapna dekhe yha se uska arth dekh sakte hai aur samajh sakte hai.

FAQ’s

Ques 1. Subhe kitne baje dekha hua sapna sach mana jata hai?

Ans. Agar ap log subhe 3 se 5 ke bich me koi bhi swapan or sapna dekhte hai to in sapno ke sach hone ki umeed 90% rheti hai. 

Ques 2. Kounsa sapna sabse achaa mana jata hai?

Ans. Sapne me hathi ko dekhna shubh mana jata hai, aur agar aap ko sapne me safed hathi dikhta hai to iska arth hai ki aap bhaut sobhagyeshali hai.

Ques 3. Ek hi sapna bar bar aane ka kya matlab hai?

Ans. Agar aap sapne me ek jagah ko, ek person ko, stithi ko bar bar dekhte hai. To is tarah ke sapne aap ko kai tarah ke ishare dete hai. Jaise sapne me khud ko bar bar girta hua dekhte hai to ye unsuccessful hone ka ya confidence me kami ki aur ishara karte hai.

Ques 4. Hume ulte sidhe sapne kyo aate hai?

Ans.  Iske piche ek scientific reason mana gaya hai ki ye sab REM ke karan hota hai. Sote hote bhi humara mind active rehta hai jiske karan hume sapne ate hai.

Also Read: Sapno ka matlab kya hota hai?